《原创文章 欢迎转载 请列明出处 谢谢》-请支持蓝狮 Facebook专页-《28+9入波方程式再现 莫拉达係「伪」支点的表表者?》 按此观看图片 .图片来源 : Metro久违既三连胜,无疑为车路士打下强心针,始终联赛争入前四仍然有数字上既可能,睇得出球员哩几场比赛都回复信心,同时今场莫拉达亦取得入球,球员精神面貌亦似乎鬆一口气,虽然再一次係用头槌破网,继续由艾斯派古达交出助攻,唔通莫拉达真係唔识用脚入波?今场对修咸顿既足总盃準决赛,场面上最精彩其实係下半场尾段两队都互有攻守既画面。开波初段车路士的确有几下相当具威胁既埋门,可惜既係较为欠运,晓士随即将修咸顿阵型进一步收窄以防守为主,确保上半场不失球为重,而蓝军亦无力突破密集,双方半场握手而和入更衣室。到下半场一出返黎,「银河唯一」闪电式破网,入球方式虽然係一个过几个,不过其实都只係仆下仆下咁射入,并无外界所讲得咩美斯上身咁浮夸。车路士取得领先优势后,修咸顿亦开始加快番进攻既脚步,晓士相继换入进攻球员加强向蓝军后场施压,而喺哩个时候干地选择抽起韦利安换入巴卡约高,未知前者係因为觉得自己打得差,还是不满意大利人哩下临场调动,被换出后球员选择跨过广告板直冲更衣室。转阵352喺打多一个中场下车路士似乎亦未能够取得场面上既优势,反而由于前线少左一个人,导致反击时更欠缺力度,干地就作出第二个换人调动,用柏度换入法比加斯,球迷们亦不解哩下换人调动,以为会变番打343,而柏度喺场上企位亦同上场对般尼既位置一样,游走于前锋与中场之间。而最后亦换入莫拉达取代基奥特,西班牙人入场第一下就经已取得入球。好一段时间未见过既「28+9」入波方程式再现,不过其实佢仲有两次黄金机会都把握唔到,莫拉达喺抢点同头槌方面的确係几好,但可能就因为咁比球迷误以为抢到点做到头槌就姐係做到支点,喺身体质素方面佢真係要加强番先可以到英超既后卫对抗一下,如果唔係咁的话,干地就应该将基奥特与莫拉达同场,利用「银河唯一」既优势为后者开路,但佢又唔敢收起夏萨特或者尝试将佢调到其他位置。希望球队能够延续三连胜既气势,以不放弃既精神打埋净番落黎既赛事。文章最后更新时间 : 23/04/2018 10:30《原创文章 欢迎转载 请列明出处 谢谢》蓝狮 每週出文 用心写每篇文章 给我们一个Like作支持